Камунікатыўны аспект каляднай абраднасці Заходняга Палесся

Abstract

Камунікатыўны аспект каляднай абраднасці Заходняга Палесся яскрава прасочваецца праз песенны фальклор, бо песня з’яўляецца люстэркам народнага духу, перадае пачуцці народу і яго патрэбы. Аднак, каб выявіць патаемныя сэнсы, закладзеныя ў калядкі і шчадроўкі, а таксама адрасатаў, да якіх звяртаюцца калядоўшчыкі, спяваючы абрадавыя песні, трэба выкарыстаць метад аналізу ў дачыненні да тэкстаў песень. Падчас даследавання выкарыстана класіфікацыя, распрацаваная іншымі даследчыкамі, дзе выдзелены тры тыпы адрасатаў: экспліцытныя, імпліцытныя (ці нулявыя) і замяшчаючыя. У выніку аналіза заходнепалескіх калядак і шчадровак зроблена выснова, што сярод экспліцытных адрасатаў найбольш распаўсюджаны гаспадар, гаспадыня, дзяўчына (дачка гаспадара), хлопец (сын гаспадара), баба, вол. У сваю чаргу адным з самых папулярных імпліцытных адрасатаў з’яўляецца Бог, а сярод замяшчаючых – астральныя свяцілы, жывёлы.