Abstract:
Да керамікі адносяцца вырабы з прыроднай гліны і яе сумесей. Прыведзена класіфікацыя керамікі паводле прызначэння, па гатунках матэрыялу, паводле спосабу вытворчасці і па апрацоўцы паверхні вырабаў. Кераміка розных часоў займае больш за палову ад агульнай колькасці музейных фондаў, аднак археалагічная кераміка вельмі крохкая і часцей за ўсё сустракаецца ў культурным пласце фрагментарна. Разгледжаны этапы рэстаўрацыйных работ керамічных вырабаў, такія як выдаленне забруджванняў з паверхні, склейванне пабітых вырабаў, ліквідацыя страт, таніраванне ўзноўленых элементаў фарбамі, пакрыццё знешняй паверхні лакам.
