Abstract:
Культуралагічнае даследаванне традыцыйнай абраднасці і, у прыватнасці, калядавання мае сваю спецыфіку. Вывучэнне абраду як культуралагічнай праблематыкі прадуглеждвае выкарыстанне адпаведнага метадалагічнага апарату, які складаецца з комплексу навуковых падыходаў і метадаў, такіх як семіятычны (этнасеміятычны), лінгвакультуралагічны, сістэмны і тыпалагічны, што дае магчымасць разглядаць абрад як неад’емную асноватворчую частку народнай культуры, у якой знаходзіць адлюстраванне міфалагічны светапогляд актараў, і кожны з якіх мае сакральнае значэнне для носьбітаў дадзенай традыцыі і ладзіцца з мэтай сувязі са звышнатуральнымі сіламі і бажаствамі, а таксама з мэтай уздзеяння на з’явы прыроды і наваколле.
