Abstract:
Прадстаўлены шматгадовы вопыт выкладчыцкай дзейнасці па падрыхтоўцы будучых спецыялістаў музейнай сферы з улікам актуальнага статусу крыніцазнаўства як галіны гуманітарных ведаў. На сучасным этапе навука прырастае новымі крыніцамі, і ўвядзенне ў навуковы зварот музейных прадметаў і калекцый істотна стымулюе развіццё навуковых напрамкаў, а таксама дапаўняе наяўную базу крыніц. Аналізуюцца сучасныя падыходы да асэнсавання тэорыі гістарычнай крыніцы, узаемадзеяння крыніцазнаўства і музеязнаўства, вывучэнне розных тыпаў і відаў крыніц у кантэксце крыніцазнаўчых і музейных даследаванняў. Асобны акцэнт зроблены на выкарыстанні атрыманых ведаў у працэсе навукова-фондавай і экспазіцыйна-выставачнай працы ў музеі.
