Abstract:
Праводзіцца абгрунтаванне думкі аб тым, што праблемны метад навучання дазваляе ў сучасных умовах найбольш эфектыўна развіваць філасофскае мысленне студэнтаў, аналізаваць філасофскія аспекты сацыякультурных праблем, знаходзіць рацыянальныя шляхі ў іх рашэнні. Раскрываюцца ўзроўні праблемнага навучання, а таксама якасці творчай асобы, якія фарміруюцца падчас праблемнага навучання. Аргументавана даводзіцца тое, што арсенал праблемнага метаду дапамагае сёння ў выхаванні не толькі адукаванай, але і творчай асобы, здольнай прымаць нестандартныя рашэнні ў будучай прафесійнай дзейнасці і асабістым жыцці.
