Abstract:
Разглядаецца аліментарная культура як форма нематэрыяльнай культурнай спадчыны, абгрунтоўваецца актуалізацыя даследавання ежы ў сучаснай антрапалогіі як універсальнага феномена, прадстаўленага сукупнасцю мноства сацыякультурных кодаў, вызначанай каштоўнасна-сімвалічнай сістэмай. Падкрэсліваецца абнаўленне сэнсаў кулінарных традыцый у сучаснай сацыякультурнай сітуацыі, дзе яны часта становяцца аб’ектам ідэалагічнага і палітычнага асэнсавання. Разглядаюцца асноўныя аб’екты аліментарнай культуры народаў свету, уключаныя ў Спіс нематэрыяльнай культурнай спадчыны ЮНЕСКА. Адзначаецца неабходнасць вяртання да жыцця кулінарных традыцый беларускага грамадства ў новых формах і на новым узроўні, што з’яўляецца важнай задачай дзяржаўных і грамадскіх інстытуцый у захаванні культурнай спадчыны беларускага народа.
