Abstract:
У артыкуле разгледжана трансфармацыя каляднай абраднасці на сучасным этапе яе бытавання. Вылучаны наступныя асноўныя фактары ўздзеяння: пераход ад язычніцтва да хрысціянства, глабалізацыя, умацаванне масавай культуры праз сродкі камунікацыі і ўздзеянне мясцовых супрацоўнікаў дамоў культуры, адыход ад міфалагічнага мыслення. У сучасных вёсках Заходняга Палесся назіраецца трансфармацыя спосабаў вырабу абрадавай атрыбутыкі і абрадавага адзення. Семантыка непасрэдна абрадавай дзеі змяняецца і нават адбываецца пераход абрадавых дзей у гульню, якая мае для мясцовых жыхароў рэкрэатыўную функцыю.
