Захаванне і трансляцыя нацыянальнага беларускага касцюма ў сучасных умовах

Abstract

У артыкуле разглядаецца беларускі нацыянальны строй у кантэксце сучасных інтэрпрэтацый. Дадзеная праблема з’яўляецца актуальнай, паколькі адзенне заўсёды было і застаецца неаддзельнай часткай культуры грамадства, а таму служыць неабходным атрыбутам пры вывучэнні гісторыі народа, яго абрадаў і звычаяў. Нацыянальны касцюм, як аўтэнтычны, так і сучасны, выступае спосабам выказвання ідэнтычнасці беларускага народа. Артыкул прысвечаны аналізу сучасных метадаў выкарыстання народнага касцюма ў постфальклорным (беларускі фолк-гурт «Гуда» («Guda»), сцэнічным (дызайнер Н. В. Смаляк, вобразы ансамбля танца, музыкі і песні «Талака») і этнічным (брэнд «Eglit») стылях. У поліэтнічнай прасторы Беларусі тэндэнцыя выка- рыстання культурных традыцый народнага касцюма імкліва набірае абароты. Сучасная эпоха становіцца ўніверсальным механізмам трансляцый культурнага досведу Беларусі: яна перадае каштоўнасці, нормы і ідэалы.