Abstract:
Разглядаюцца экспрэсіўныя, у тым ліку вобразныя, сродкі мовы, характэрныя паэтычнаму ідыястылю аўтара. Яны не толькі ўзбагачаюць змест, дапамагаюць вылучыць галоўную думку - ідэю, спасцігнуць яе глыбіню, але і надаюць радкам спецыфічнае, мілагучнае гучанне. Адзначаецца, што асноўнымі рысамі ідыястылю Міколы Шабовіча з’яўляюцца неалагізмы, а таксама эпітэты, метафары, параўнанні, перыфразы, прыёмы параніміі і паранамазіі і такія стылістычныя фігуры, як антытэза, анафара, эліпс, умаўчанне. Фактычны матэрыял сведчыць, што вобраз аўтара актуалізуецца на ўсіх маўленчых узроўнях яго вершаванай мовы.
