Abstract:
Зроблена спроба ўдасканалення метадалагічных рэкамендацый па арганізацыі самастойнай працы студэнтаў у межах выкладання вучэбнай дысцыпліны "Беларускі побытавы танец" ва ўстанове адукацыі "Беларускі дзяржаўны ўніверсітэт культуры і мастацтваў". Для дасягнення пастаўленай мэты выдзяляюцца этапы арганізацыі і формы кантролю самастойнай работы студэнтаў. Прыводзіцца прыкладны рэпертуар: лакальныя версіі шматфігурных побытавых танцаў (кадрылі), якія прыгодны для выкарыстання ў форме самастойнай працы і запатрабаваны моладдзю. Метадалагічныя рэкамендацыі накіраваны на развіццё ў студэнтаў не толькі танцавальных здольнасцей, але і на набыванне тэарэтычных ведаў, а таксама спрыяюць атрыманню навыкаў самаарганізацыі, працы ў калектыве, развіццю педагагічных здольнасцей і вопыту пастаноўкі танцавальных кампазіцый.
