Abstract:
У працы аналізуюцца біблейскія цытаты (са Старога Запавету і Апакаліпсіса) на царкоўнаславянскай мове, якія змешчаны ў другой частцы старабеларускага «Катэхізіса» пратэстанта Сымона Буднага (Нясвіж, 1562). Тэкст некаторых цытат запазычаны з біблейскіх выданняў Францыска Скарыны (Прага, 1517–1519), а тэкст іншых узыходзіць да царкоўнаславянскіх рукапісаў таго часу, блізкіх да тэксту Астрожскай Бібліі (Астрог, 1580–1581). Магчыма, зрэдку Будны таксама самастойна ствараў тэкст сваіх цытат, спалучаючы тэкст рукапісу і тэкст Скарыны. Адкрыццё працы Буднага менавіта са скарынаўскімі выданнямі зроблена ў навуцы ўпершыню.
