Abstract:
У артыкуле разгледжаны агульныя праблемы мастацкай адукацыі і шляхі іх рэалізацыі на практыцы. У якасці прыклада аналізуецца педагагічная і мастацкая дзейнасць мастака-педагога, заслужанага настаўніка, члена Беларускага саюза мастакоў Валянціна Пятровіча Пакаташкіна, які за 50 гадоў працы ў Гомельскім Палацы піянераў (цяпер установа адукацыі «Гомельскі дзяржаўны абласны Палац творчасці дзяцей і моладзі») выхаваў больш за 1000 навучэнцаў мастацкага профілю. Адзначана, што роля асобы педагога, асабліва ў выхаванні творчай моладзі, мае вельмі вялікае значэнне ў плане накірунку яе мастацкай дзейнасці. Высокі ўзровень выкладання спецыяльных прадметаў, такіх як малюнак, жывапіс і кампазіцыя, вырашае далейшы накірунак развіцця падрастаючага пакалення мастакоў.
