Abstract:
У артыкуле даследуюцца асаблівасці выкладання літаратуры ХІХ ст. у студэнтаў творчых спецыяльнасцей. Адзначаецца, што варта звярнуць увагу студэнтаў на цесную сувязь паміж рознымі відамі мастацтва, якая выявілася ў ХІХ ст., на агучванне пісьменнікамі гэтага часу актуальных праблем, якія не падымаліся раней, і інш. Вылучаны наступныя праблемы, якія могуць узнікнуць пры вывучэнні тэкстаў у студэнтаў: 1. Няўменне звязваць падзеі, якія адбываліся ў свеце, з тым, якія асаблівасці набывае літаратурны тэкст ХІХ ст. (і не толькі ХІХ ст.). 2. Неразуменне рамантычнай іроніі і сатыры. 3. Уяўленне пра тое, што рамантычны герой – гэта толькі станоўчы персанаж, які моцна кахае. 4. Неразуменне тонкасцей псіхалогіі герояў. 5. Літаральнае прачытанне і адсутнасць увагі да дэталяў. 6. Цяжкасці ўспрыняцця вялікага па аб’ёме тэксту і доўгіх разважанняў герояў ці аўтарскіх адступленняў. У артыкуле падкрэсліваецца значэнне мастацкай літаратуры для творчага развіцця незалежна ад абранага віду мастацтва.
