Abstract:
Артыкул прысвечаны навуковай дзейнасці прафесара Гурыя Іларыёнавіча Барышава. Вядома, што навука і мастацтва знаходзяцца ў складаных адносінах, таму што існуюць крытэрыі навукі, якія не заўсёды можна прымяніць адносна мастацкага твора. У дэкаратыўна-прыкладным мастацтве больш складана выглядае вызначэнне ўзроўню мастацкіх якасцей. У традыцыйнай беларускай кераміцы мінімалізм, лаканізм, суладдзе і сціпласць з’яўляюцца асноўнымі рысамі. У мастацтвазнаўчым напрамку часцей за ўсё разглядаюцца адзінкавыя вырабы з гліны. Пры такім разглядзе не хапае сістэмнага вывучэння дадзенай тэмы. Для пазнання асаблівых рысаў керамікі важна ведаць многія акалічнасці: з якой гліны зроблены выраб, хто яго зрабіў, у якім месцы ці рэгіёне з’явілася дадзеная кераміка, якой тэхналагічнай апрацоўкай пакрыта паверхня вырабу? Лакальныя рэгіянальныя асаблівасці вызначаюць вытокі традыцыйнай керамікі, але ў кожным вырабе закладзены асновы канструкцыі адзінкавага вырабу.
