Захаванне лакальных асаблівасцей традыцыйнай заходнепалескай культуры ў ХХІ ст.

Abstract

На мяжы ХХ–ХХІ стст. на традыцыйную свядомасць вясковых жыхароў моцна паўплывалі ўмовы глабалізацыі – павышэнне сацыяльнай мабільнасці, дэфармацыя традыцыйнай сацыяльнай іерархіі, масавая міграцыя насельніцтва ў гарады. Тым не менш лакальныя асаблівасці заходнепалескай культуры зберагаюцца і транслююцца не толькі носьбітамі традыцыі, але і пры дапамозе спецыялістаў-захавальнікаў. Так, у лакальнай заходнепалескай мікразоне аг. Хаціслаў Г. І. Хомік створаны два рознаўзроставыя фальклорныя гурты: «Хаціславяне» і «Вясковая табала», якія захоўваюць каляндарную і сямейна-абрадавую спадчыну, а таксама пазаабрадавыя творы. У фальклорны гурт «Хаціславяне» ўваходзяць носьбіты традыцыі і моладзь (супрацоўнікі Дома культуры) – пераемнікі традыцыі, а ў фальклорны гурт «Вясковая табала» – мясцовыя дашкольнікі і школьнікі.