Abstract:
У артыкуле раскрываецца сутнасць паняццяў сімвала і міфа, выяўляецца іх ўзаемасувязь, аналізуецца сімвалічная сістэма сучаснага мастацтва і разглядаецца разнастайнасць інтэрпрэтацый яе сэнсаў. Адзначана, што раскрыццё сімвалаў захоўвае ў міфалогіі вобразны характар і мае тэндэнцыю да бясконцых трансфармацый, а сам сімвал з’яўляецца формай міфалагічнага вобраза, увасабленнем міфа. Зроблена выснова, што па сутнасці ўсялякі сімвал ёсць інтэрпрэтацыя пэўных момантаў рэчаіснасці, прычым незалежна ад іх аб’ектыўнага існавання.
