Abstract:
Разглядаецца старажытны абрад «Цягнуць Каляду на дуба», адноўлены ў 1998 г. у в. Новіны Бярэзінскага раёна Мінскай вобласці. Захавальнікам абраду з’яўляецца народны сямейны гульнёва-абрадавы гурт «Радзіна», а пераемнікам – узорны фальклорны дзіцячы гурт «Валошкі» Новінскага сельскага Дома культуры. Аналізуецца пытанне выхавання дзяцей, падлеткаў і моладзі на традыцыях сваіх продкаў, мясцовым каларыце, назапашванне ўсяго таго, што неабходна для развіцця і ўзбагачэння светаўспрымання кожнага маленькага беларуса.
