Abstract:
Артыкул прысвечаны станаўленню паэтычнага радыётэатра Беларусі ў 1920-я гг., яго далейшаму развіццю пад уплывам тэхналагічнага ўдасканалення дзяржаўнага радыё, выяўленню асаблівасцей функцыянавання аўдыяльнай з’явы з вершаванай літаратурнай асновай на сучасным этапе. Асноўная ўвага звернута на фарміраванне і запатрабаванасць у розныя перыяды жанраў "паэтычная радыёкампазіцыя" і "радыёспектакль". Прыведзены факталагічны матэрыял пашырае ўяўленне пра беларускі радыётэатр як мастацкі феномен краіны, што развіваецца ў непарыўнай сувязі з літаратурнай спадчынай.
