Abstract:
Прадстаўлены музеялагічныя разважанні над праблемай рэпрэзентацыі спадчыны прападобнай Еўфрасінні Полацкай напярэдадні падрыхтоўкі да святкавання 900-годдзя старажытнага Спаса-Еўфрасіннеўскага манастыра. Згаданы юбілей вяртае нас да неабходнасці перагляду вядомых гістарычных і культуралагічных фактаў, звязаных з дзейнасцю Еўфрасінні Полацкай. З улікам апошніх навуковых даследаванняў зроблены агляд аб’ектаў спадчыны. Акрамя таго, у святле музеефікацыі гістарычнай тэрыторыі Полацка дарэчы і своечасова разглядаць перспектыўныя магчымасці рэканструкцыі хрысціянскай традыцыі праз рэпрэзентацыю спадчыны прападобнай Еўфрасінні.
