Abstract:
Аналізуюцца розныя аспекты фарміравання і раскрыцця мастацкага вобраза свята. Асаблівая ўвага звяртаецца на ўзнаўленне міфалагічнай асновы і актывізацыю гледачоў. Падкрэсліваецца важнасць выкарыстання іншасказальных сродкаў у структуры мастацкага вобраза. Паказана, што яны ўзбагачаюць мастацкую палітру святочных дзей яскравымі фарбамі, раскрываюць іх сімвалічнае значэнне ў кірунку ігры, забавы. Пры гэтым трэба заўсёды ўвасабляць другі, схаваны язычніцкі аспект. Менавіта ён раскрывае светаразуменне старажытнага чалавека. Слушна сцвярджаецца, што мастацкі вобраз – асноватворная катэгорыя, ядро, нават першаэлемент народнага свята.
