Гадзіннікі ў зборах музеяў Мінскай вобласці: асаблівасці фарміравання і экспанавання

Abstract

Упершыню прааналізаваны матэрыял пра гадзіннікі ў зборах музеяў Мінскай вобласці сістэмы Міністэрства культуры Рэспублікі Беларусь, прадстаўлена іх тыпалогія і колькасны склад. Вызначаны шляхі паступлення гадзіннікаў у фонды музеяў і іх каштоўнасныя характарыстыкі як музейных прадметаў. Падкрэслена, што гадзіннік як узор матэрыяльнай культуры з’яўляецца крыніцай інфармацыі аб розных аспектах сацыяльнай рэчаіснасці, гісторыі, культуры, гаспадарчай дзейнасці, бытавых і эстэтычных уяўленнях людзей. Як носьбіты культурна значнай інфармацыі гадзіннікі разглядаюцца ў аспекце іх актуалізацыі экспазіцыйнымі метадамі. Выяўлены асноўныя тэмы агульнагістарычных, тэматычных і мемарыяльных экспазіцый, дзе найбольш паспяхова прадстаўлены гадзіннікі. Аўтар прыходзіць да высновы, што даследаванні гадзіннікаў будуць садзейнічаць стварэнню культурна-гістарычнага асяроддзя і фарміраванню новых культурных форм у музеях.