Abstract:
У першай палове ХХ ст. асветніцкі напрамак беларускай культуры акцэнтуе ўвагу на захаванні моўных традыцый беларусаў. Навучанне ў першых беларускамоўных школах патрабуе моцнага літаратурнага падмурку. Актыўную пазіцыю ў галіне выдавецкай справы займаюць каталіцкія святары – І. Бобіч, кс. А. Станкевіч, С. Дзенісевіч, Б. Пачопка, А. Астрамовіч, Ф. Будзька, Г. Бэта, К. Стаповіч, Л. Хвецька і інш. Выдаецца рэлігійная, літургічная, хрысціянская мастацкая, музычная, сацыяльна-асветніцкая літаратура на беларускай мове.
